.png)
.png)
Pregunta parlamentaria de Néstor Rego (BNG) en el Congreso y Carmen Da Silva en el Senado
Á necesidade de adoptar medidas previas para garantir a seguranza e o respecto á liberdade de navegación da Flotilla a Gaza da Global Sumud
Á MESA DO CONGRESO
O deputado do BLOQUE NACIONALISTA GALEGO (BNG), Néstor Rego Candamil, adscrito ao GRUPO PARLAMENTAR MIXTO, ao abeiro do estabelecido no artigo 185 e seguintes do Regulamento do Congreso, formula as seguintes preguntas dirixidas ao Goberno para a súa resposta escrita relativas á necesidade de adoptar medidas previas para garantir a seguranza e o respecto á liberdade de navegación da Flotilla a Gaza da Global Sumud
O próximo 14 de abril está previsto que diferentes barcos saian do Porto de Barcelona en misión civil pacífica e humanitaria con destino a Gaza, acción na que participan representantes da Global Sumud Galiza, que forma parte da rede internacional descentralizada cuxo obxectivo é o de romper o ilegal bloqueo de Israel e levar axuda humanitaria e apoio sanitario e educativo a Gaza.
Reiteradamente, nas distintas viaxes emprendidas pola Global Sumud co obxectivo de levar axuda humanitaria a pesar do bloqueo, os barcos que se sumaron á accións sufriron ataques, asaltos e os seus tripulantes, padeceron agresións, detencións ilegais e secuestros. Así, é preciso que o Goberno do Estado español actúe con contundencia para garantir a seguranza das embarcacións na navegación e adopte todas as medidas preventivas precisas para impedir novas accións contra a Flotilla.
O Executivo debe abandonar a pasividade e actuar decididamente, desde o momento no que os barcos saian dos portos, exixir o cumprimento da normativa e convencións internacionais que garanten a libre navegación por augas internacionais de forma pacífica, e mediar para evitar os ataques, bombardeos, asaltos e secuestros de Israel.
É preciso que o Executivo cambie a dinámica en relación a estas misións de defensa dos dereitos humanos, da liberdade do pobo palestino e en contra do xenocidio, adoptando unha posición activa, preventiva e propositiva, anticipando a súa actuación, en colaboración con outros gobernos, garantindo o respecto do dereito internacional e para exixir a Israel o cese dos ataques antes de que estes se produzan.
É preciso lembrar que Israel segue adiante co xenocidio e limpeza étnica da poboación palestina, con accións que vulneran todas as Convencións e normas en materia de dereitos humanos. Sigue a bloquear a entrada da axuda humanitaria e mantén fechado o paso de Raffah e as poucas subministracións que chegan son totalmente insuficientes para atender á poboación de Gaza.
Así pois, a acción global é urxente para romper o cruel asedio a Gaza e denunciar a ocupación ilegal de Palestina, a escalada de violencia e o estado de apartheid no que viven as palestinas e os palestinos.
En definitiva, o Goberno español debe dar o seu respaldo a acción humanitaria e pacífica que emprende a Global Sumud, mantendo abertas liñas de comunicación cos seus representantes, como é caso da delegación galega, e que exerza toda a presión para lograr unha Palestina libre e en paz a comezar pola rotura de toda relación co réxime sionista.
Polos motivos expostos, o BNG formula as seguintes preguntas dirixidas ao Goberno:
1. Que medidas preventivas ten previsto adoptar o Goberno do Estado ante a próxima partida da nova acción da Global Sumud prevista para o 12 de abril dese o porto de Barcelona e impedir as agresións extraterritoriais de Israel que atentan contra o dereito de navegación da Convención do Mar e asegurar a entrega de axuda humanitaria e solidariedade co pobo palestino?
2. Estabelecerá o Goberno, desde antes da partida, unha canle de contacto permanente e coa Flotilla a Gaza na que participa a representación galega da Global Sumud? Cambiará o protocolo de actuación para garantir a asistencia desde o momento da saída?
3. Adoptará o Goberno unha postura proactiva, estabelecendo previamente canles de comunicación cos representantes das distintas delegacións da Global Sumud que parten a Gaza e facilitando mecanismos de seguimento e comunicación permanentes?
4. Que accións emprenderá para exixir a Israel o respecto do dereito de navegación por augas internacionais, así como o compromiso de garantir a seguranza dos barcos que integren a acción civil e pacífica, sen que se produzan ataques, bombardeos, asaltos e secuestros?
5. Que disposición ten o Goberno a contactar con outros Gobernos para coordinar a actuación en defensa da Global Sumud e aseguraren o dereito á libre navegación?
Madrid, a 7 de abril de 2026
Néstor Rego Candamil
Deputado do BNG no Congreso
07 ABR. 2026 12:03:23 Entrada: 108994
PREGUNTA CON RESPOSTA ORAL NA COMISIÓN DE ASUNTOS EXTERIORES DEL CONGRESO Y DE CARMEN DA SILVA EN EL SENADO
O deputado do BLOQUE NACIONALISTA GALEGO, NÉSTOR REGO CANDAMIL, integrado no GRUPO PARLAMENTAR MIXTO, formula a seguinte pregunta dirixida ao Goberno:
Que medidas preventivas ten previsto adoptar o Goberno do Estado ante a próxima partida da nova acción, na que participa a Global Sumud Galiza, prevista para o 12 de abril desde o porto de Barcelona e impedir as agresións extraterritoriais de Israel que atentan contra o dereito de navegación da Convención do Mar e asegurar a entrega de axuda humanitaria e solidariedade co pobo palestino?
En Madrid, a 7 de abril de 2026
Néstor Rego Candamil
Deputado do BNG
Portavoz Adxunto do GP Mixto
Registro 108993
Más información:
- Medidas adoptadas o previstas para garantizar el libre tránsito en aguas internacionales de buques con pabellón español o europeo que desarrollen actividades pacíficas y humanitarias con destino a Gaza, en cumplimiento de la Convención de las Naciones Unidas sobre el Derecho del Mar (CONVEMAR), y para asegurar la protección diplomática y consular de los nacionales españoles que participen en futuras expediciones de la Global Sumud Flotilla. (184/035918)
- Pregunta y Respuesta en el Parlamento Europeo sobre la flotilla: https://causaarabeblog.
blogspot.com/2025/10/ respuesta-de-la-ue-las- amenazas.html
...
.png){kind=link}
No hay comentarios:
Publicar un comentario