Manifiesto Galego pola Integridade da Palestina

 

mardelumes.org

 

Manifesto galego pola integridade da Palestina

2020 será lembrado na historia como o ano da COVID-19. Mais a enorme traxedia das vítimas desta pandemia, por mais próxima que nos resulte, non é a única que afecta millóns, nin a única que conmove o máis elementar sentido da xustiza.

Nas terras de Palestina, o sionismo, o racismo, o apartheid, que levan décadas a avanzar reptando sobre as vítimas que sementan, pretenden agora dar un grande salto para a frente e entrar na fase definitiva da desaparición física e política da Palestina.

 

Dentro da lóxica do supremacismo israelita, dentro da lóxica do seu funcionamento como punta de lanza do imperialismo contra os pobos árabes, a entidade sionista anunciou un plano que sempre estivo aí: a ocupación completa da Palestina, a seguir agora por Cisxordania. A luz verde a asentamentos e colonatos, que, na realidade, nunca se detiveron, é o piar fundamental dunha estratexia de substitución étnica que se acelera agora, coa benzón das potencias occidentais, e que se traduce en destrución de vivendas e infraestruturas palestinas, secuestro de activistas e de calquera que se opoña, roubo de terras e destrucción de cultivos, bloqueo marítimo, construción de muros, multiplicación de check-points e millares de persoas expulsadas das súas vilas, das suas casas, á total intemperie, máis dura e descarnada precisamente agora que o mundo padece esta pandemia.

 

Mais os novos colonatos non son a única vía. O traslado de facto da capital sionista para Xerusalén, coa transferencia das embaixadas dos Estados Unidos e dos países teledirixidos desde Washington e co beneplácito dunha Unión Europea cuxo único xesto é dicir que está «moi preocupada», é a fórmula para revestir toda a operación dunha pretendida lexitimidade internacional. A anulación de Gaza, bloqueada, embargada e mantida como un xigantesco campo de concentración para dous millóns de persoas é a prefiguración do que Israel promete ao pobo palestiniano se consegue imporse nesta guerra ás caladas.

 

A ocupación da Palestina, que comezou formalmente en 1947 e que avanza desde entón, ano a ano, metro a metro, é un crime con todas as letras. Un crime contra o pobo, imposto pola forza militar que tanto serve para efectivar a propia ocupación como para deixar en papel mollado as innúmeras condenas internacionais, na ONU e noutros espazos, que o sionismo colecciona cinicamente como trofeos de guerra.

A ocupación da Palestina é un crime contra a humanidade. Ten uns responsábeis directos que, ademais, non se esconden nin pretenden pasar despercibidos. E por iso exixe un posicionamento claro e rotundo. Unha condena concreta e frontal.

 

As organizacións e entidades que asinamos este Manifesto Galego pola Integridade da Palestina

·  afirmamos a integridade da Palestina e exiximos o fin da presenza israelita nos Territorios Ocupados, o fin do bloqueo contra Gaza e o recoñecemento real e efectivo de Xerusalén / al-Aqsa como capital da Palestina;

·  repudiamos o chamado «Acordo do Século» que o imperialismo asinou consigo mesmo e con máis ninguén, e negamos calquera recoñecemento á extensión das zonas controladas polo rexime sionista;

·  exiximos o fin dos asentamentos e colonatos israelitas en Cisxordania, ilegais á luz de todo o dereito internacional;

·  condenamos as políticas de apartheid e violencia, tanto física como simbólica, psicolóxica e económica, do estado de Israel contra a poboación árabe da Palestina;

·  condenamos a persecución sistemática contra calquera oposición e, en consecuencia, exiximos a liberación dos millares de presos e presas políticas palestinianas e o fin da arbitraria política de detencións administrativas;

·  afirmamos a nosa adhesión completa aos principios da campaña internacional de boicote, desinvestimentos e sancións (BDS) contra o estado de Israel;

·  denunciamos a complicidade e o apoio do Estado español e da Unión Europea aos abusos israelitas;

·  e afirmamos o noso compromiso co pobo palestiniano e co seu dereito á resistencia.

 O pobo da Palestina non está só no mundo.

Galiza coa Palestina!
Palestina vencerá!

asinan :Agora Galiza – Unidade Popular

Agrupaçom Cultural O Facho

Agrupaçom de Montanha Águas Limpas (AMAL)

Ameixas da Ría

Asemblea Republicana de Vigo

Asociación Abeiro pola Protección Animal

Asociación Cultural Alexandre Bóveda

Asociación de Amizade Galego-Cubana Francisco Villamil

Asociación Galego-Bolivariana Hugo Chávez

Asociación para a Defensa Ecolóxica de Galiza (ADEGA)

Asociación Pola Defensa da Ría de Pontevedra (APDR)

Associaçom José Afonso – Galiza (AJA Galiza)

Avante LGBT+

Bloque Nacionalista Galego (BNG)

Briga

Causa Galiza

Central Unitaria de Traballadoras (CUT)

Centro Social A Gentalha do Pichel

Centro Social A Revolta

Centro Social Autoxestionado A Cova dos Ratos

Centro Social Mádia Leva

Centro Social O Fuscalho

Colectivo Terra

Comité Antifascista da Lourinha

Comité Antifascista de Compostela

Confederación Intersindical Galega (CIG)

Erguer – Estudantes da Galiza

Esculca – Observatorio para a defensa dos dereitos e liberdades

Esquerda Unida

Estudantes Antifascistas

Federación Rural Galega (FRUGA)

FestiVal das Brétemas

Fundación Galiza Sempre

Fundación Moncho Reboiras

Fundaçom Artábria

Galiza Nova

Isca!

LiGanDo

Marcha Mundial das Mulleres – Galiza

Mulheres Nacionalistas Galegas (MNG)

Partido Comunista de Galicia

Partido Comunista do Povo Galego (PCPG)

Partido Comunista dos Traballadores da Galiza (PCTG)

Plataforma Antifascista Galega

Rede Transfeminista Galega

Sindicato Labrego Galego (SLG)

SOS Racismo Galicia

Unión da Mocidade Galega (UMG)

Unión do Povo Galego (UPG)

Verdegaia

Vía Galega

Vigo Antifascista

Xuventude Comunista

ResponderReenviar